Rivaldo: "Barselona" Dembeleni yaxshiroq pulga sotish uchun uni o‘ynatish yo‘llarini topishi kerak

Braziliya terma jamoasi va “Barselona” klubi afsonasi Rivaldo “ko‘k-anor ranglilar”ning frantsiyalik vingeri Usmon Dembele haqida o‘z fikrini bildirib o‘tdi.

“Dembele klubdan ketishni xohlayapti deb o‘ylayman. “Barselona” esa uni yaxshiroq pulga sotishi uchun uni o‘ynatish yo‘lini topishi kerak.

Dembele “Barselona”da baxtli emasligi aniq. Ammo, u o‘zini professionaldek tutishi kerak”, - deydi Rivaldo.

Eslatib o‘tamiz, Dembele “Barselona” safiga 2017 yilning yozida “Borussiya” Dortmunddan ko‘chib o‘tgan edi.