“Vest Xem” Gomeshning transferi borasida “Barselona” bilan savdolashmoqda

Londonning "Vest Xem" klubi portugaliyalik yarim himoyachi Andre Gomeshning transferi borasida "Barselona" bilan savdolashmoqda.

Unga ko‘ra “bolg‘achilar” 25 yoshli futbolchini keyinchalik sotib olish huquqi bilan 1 yilga ijaraga olishmoqchi. Ammo, “ko‘k-anor ranglilar” rahbariyati Gomeshni joriy transferlar chog‘idayoq to‘liq sotib yuborishini rejalashtirishmoqda.

Ma’lumot uchun, Gomesh ayni damda tiklanish jarayonini boshdan kechirmoqda. U yana 1-2 oydan so‘ng jarohatidan to‘liq forig‘ bo‘lib maydonga qaytadi.