"Yuventus" Pogbani ortga qaytarish haqida o‘ylamayapti

Turinning "Yuventus" klubi sport direktori Fabio Paratichi frantsiyalik yarim himoyachi Pol Pogbaning yana jamoaga qaytishi mumkinligi haqidagi xabarlarga o‘z munosabatini bildirib o‘tdi.

“Biz Pogbani juda yaxshi ko‘ramiz. O‘rtamizda uzilmas rishtalar bor, lekin uni ortga qaytarish haqida o‘ylab ko‘rmadik”, - deydi Paratichi.

Eslatib o‘tamiz, so‘nggi paytlarda Pogba va bosh murabbiy Joze Mourino o‘rtasidagi mojaro sabab futbolchining boshqa jamoaga o‘tishi borasida xabarlar tarqalgan edi.