Aleksandr Zinchenko: O‘tgan yoz "Betis" futbolchisiga aylanishim ham mumkin edi

"Manchester Siti" himoyachisi Aleksandr Zinchenko o‘tgan yoz "Betis"ga o‘tishga juda yaqin kelganini aytdi.

“Men o‘tgan yoz “Manchester Siti”dan “Betis”ga ko‘chib o‘tishga juda yaqin edim. Xatto, agentim ham u erga borgan edi. Yaxshiyamki ushbu transfer amalga oshmay qoldi. Albatta, mening maqsadim “Manchester Siti”da qolish edi, afsuski hammasi futbolchining o‘zigagina bog‘liq emas”, - deydi ukrainalik futbolchi.

Qayd etish lozimki, Zinchenko yakunlangan mavsum Benjamen Mendi va Fabian Delf kabi futbolchilarga qarshi asosiy tarkib uchun raqobatda g‘olib chiqdi. U ayni damda “shaharliklar”ning asosiy chap qanot himoyachisi hisoblanadi.