Anchelotti 800 talik dovondan oshdi

"Real" Madrid klubi bosh murabbiyi Karlo Anchelotti Evropaning kuchli beshlik chempionatlarida o‘zining yubiley uchrashuvini o‘tkazdi.

Aniqrog‘i, La Liganing 5-turidan o‘rin olgan "Valensiya"ga (2:1) qarshi o‘yin 62 yoshli italiyalik mutaxassis uchun murabbiylik faoliyatidagi kuchli beshlik chempionatlarida o‘tkazgan yubiley 800-o‘yin bo‘ldi. U Ispaniyadan tashqari Italii, Angliya, Germaniya va Frantsiya chempionatlarida ham ishlagan.

Anchelotti murabbiylik faoliyati davomida "Milan" (283), "Yuventus" (84), "Real" (81), "Chelsi" (76), "Parma" (68), "Everton" (58), PSJ (57), "Napoli" (53) va "Bavariya" (40) klublarini boshqargan.

"Real" 5 ta turdan so‘ng La Liga musobaqa jadvalida 13 ochko jamg‘argan holda 1-o‘rinda bormoqda.