"Andijon" ikki nafar legioneri bilan xayrlashdi

Tez orada ikkinchi davraga tayyorgarlik ko‘radigan “Andijon”da ayni paytda selektsiya ishlari qizg‘in olib borilmoqda.

Ayni paytda yozgi transfer oynasi ochiq holatda bo‘lgani sababli jamoa tarkibida ayrim o‘zgarishlar yuz bermoqda. Jumladan, “Andijon” bilan xayrlashayotgan ayrim futbolchilar bor.

Klub matbuot xizmatining xabar berishicha, hozircha klubni ikki nafar o‘yinchi rasman tark etdi: Bular – chernogoriyalik Armin Boshnyak va gruziyalik Nodari Kavtaradze.

Yarim himoyachi Kavtardaze o‘tgan yili “Andijon” safiga qo‘shilgan bo‘lib, chempionatda 11 ta, Kubokda 2 ta o‘yinda ishtirok etgan. Keyin esa jiddiy jarohat olib davolanishiga to‘g‘ri keldi. Ikki tomon o‘zaro kelishgan holatda shartomani bekor qildilar.

Yana bir yarim himoyachi Boshnyak yodingizda bo‘lsa, o‘tgan yilning ikkinnchi yarmida “Andijon”ga qo‘shilgandi. Yaqinda esa u bilan tuzilgan shartnoma yakuniga etdi. O‘tgan vaqt davomida Armin Superligada jami 21 ta uchrashuvda maydonga tushib, raqiblar darvozasiga 3 ta gol urdi. Qolaversa, O‘zbekiston Kubogi bahslarida 3 ta o‘yinda qantashib, 1 bor gol muallifiga aylangan.