Angliya chempioni Fayzullaevni qaysi jamoaga tasviya qilganini aytdi

Taniqli futbol mutaxassisi Andrey Kanchelskis Evropaning eng  kuchli ligalarida porlagan yulduzlardan hisoblanadi.

Kanchelskis  sobiq ittifoq parchalanganidan keyin Angliyaga yo‘l olgan ilk futbolchilardan biridir. Buyuk Britaniya maydonlarida Angliyaning “Manchester Yunayted”, “Everton”, “Manchester Siti”, “Sautgempton”  va Shotlandiyaning “Reynjers” jamoalari sharafini himoya qilgan Andrey ikki martadan ushbu mamlakatlar chempionligiga erishgan.

Yaqinda Andrey Kanchelskis Angliya premer-ligasi tarixidagi eng zo‘r yuz nafar o‘yinchi reytingiga kiritildi.

Taqdir taqozosi bilan Andrey Kanchelskis murabbiy sifatida ikki marta Namanganning “Navbahor” jamoasini boshqardi. Shu bois, u o‘zbek futboli, iqtidorli o‘yinchilarimiz haqida etarlicha ma’lumotga ega.

Tajribali mutaxassis Rossiya futbolini yoritayotgan jurnalistlarga Premer-ligada o‘z iqtidorini namoyon qilayotgan Abbosbek Fayzullaev haqida gapirdi. Kanchelskis “Paxtakor”da tarbiyalanagan hujumkor futbolchining iste’dodini ancha oldin payqaganini bildirdi.

- Men Abbosbek Fayzullaevni Moskvaning “Lokomotiv” jamoasiga tavsiya qilgandim, lekin ular bunga e’tibor qaratishmadi. Nega bunday qilishgani g‘alati. Axir bu ularning selektsiya xizmati bajarishi kerak bo‘lgan ish edi-ku. Bu klub selektsionerlari ishlabyaptimi, yo‘qmi, bilmayman.

Abbos TsSKAga ko‘chib o‘tganidan men xursand bo‘ldim va u yangi jamoasida yaxshi o‘ynayapti. Xudo unga sog‘liq va barqarorlik bersin, mana shu ikki xislat mahoratdan darak beradi.

Fayzullaev “Paxtakor”dan to‘g‘ri Evropaga ketishi mumkinmidi? Men u TsSKA jamoasiga o‘tib to‘g‘ri qildi, deb hisoblayman. Hozir u o‘zini ko‘rsata oldi.

Agar Fayzullaev hozirgi o‘yinini keyinchalik ham ko‘rsatsa, kuchli chempionatlardan biriga o‘tib ketishi uchun ko‘p imkoniyatlar bo‘ladi, - dedi Andrey Kanchelskis.

Abbosbek Fayzullaev O‘zbekiston futbolida so‘nggi yillarda tarbiyalangan eng iqtidorli futbolchilar hisoblanadi. “Paxtakor” akademiyasidan etishib chiqqan o‘yinchi bir necha pozitsiyada o‘ynay oladi.

Legionerimiz TsSKAga ko‘chib o‘tganidan keyin jami 13 ta uchrashuvda maydonga tushib, bitta gol va oltita assist qayd etdi. Ayni paytda u Premer-liganing eng kuchli futbolchilar qatorida e’tirof etilmoqda. “Armiyachilar” har bir uchrashuvdagi hujumlari aynan Abbosbek tomonidan tashkil etiladi.

20 yoshli futbolchimiz yaqinda intervyu berib, “Barselona”ga muxlislik qilishi, orzusi “Kamp Nou”da o‘ynash ekanini aytgan edi. Qolaversa, Fayzullaev sakkiz karra “Oltin to‘p” sohibi, jahon chempioni Lionel Messining ashaddiy muxlisi hisoblanadi.

Fayzullaevning kuchiga Evropaga o‘tganida baho beramiz!

Abbos Evropaga ketmasligi kerak! Etti ekspertning Fayzullaev haqidagi fikrlari

Davila: Fayzullaev bu ketishda Aleksis Sanchesdan o‘tadi!

Shomurodov eng oxirida, Husanov esa yo‘q!

O‘zbek futbolchisi “Oltin to‘p” masalasida Messiga murojaat qildi (foto)

Fayzullaev o‘zbek futbolining kuchli jihatini aytdi

Futbolchilarimizni “Bavariya” skautlari kuzatdi...

Fayzullaev: Boshida meni ortga qaytarib yubormoqchi bo‘lishgan edi...

Fayzullaevni emas, Messini maqtang!