Asrimizning eng zo‘r to‘purari futboldan ketdi

“Atletik” jamoasining asrimizdagi eng zo‘r to‘purari Arits Aduris 39 yoshida futbolchilik faoliyatini yakunladi. Mohir forvard jamoasi uchun 407 ta o‘yinda 172 ta gol urgan.

Bu natija bilan u klub to‘purarlari ro‘yxatida kuchli oltilikka kirdi. Gol urish bo‘yicha “Atletik” rekordi Telmo Sarraga tegishli. O‘tgan asrning o‘rtalarida o‘ynagan bu futbolchi bilbaoliklar tarkibida jami 335 ta gol urgan.  

Aduris faoliyati davomida eng yorqin o‘yinini “Barselona”ga qarshi Ispaniya Superkubogida o‘tkazgan. Bilbaoliklar davstlabki uchrashuvda 4:0 hisobida zafar quchgan bo‘lsa, javob o‘yini 1:1 hisobida yakunlangan. “Atletik”ning beshta golidan to‘rttasini Aduris kiritgan edi.

Mohir futbolchi “Aurrera”,  “Burgos”, “Valyadolid”, “Malorka” va “Valensiya” tarkibida ham o‘ynagan. Ispaniya terma jamoasi safida 12 ta uchrashuvda bir juft gol urgan.