"Atletiko" futbolchisi "Ash-Shabab"ga o‘tish arafasida

"Atletiko" Madrid yarim himoyachisi Yannik Ferreyra Karrasko faoliyatini "Al-Shabab"da davom ettirishga yaqin turibdi. 

Jurnalist Fabritsio Romano bergan xabarga ko‘ra, ushbu transfer yaqin soatlarda e’lon qilinadi. Tomonlar va shaxsiy shartnoma shartlari kelishib bo‘lingan. 

Uning "matraschilar" bilan shartnomasi 2024 yilning yoziga qadar amal qilardi. Karraskoning "Transfermarkt" portalidagi bahosi 25 million evroni tashkil qiladi.