"Barselona" o‘z tarkibini "Leganes" hujumchisi bilan kuchaytirmoqchi

Xabaringiz bor bundan avvalroq "Barselona" asosiy hujumchilaridan uzoq muddatga ayrilgani bois transfer oynasi yopilganiga qaramay o‘z safiga yangi hujumchi sotib olishlari mumkinligi haqida xabar berib o‘tgan edik.

Mundo Deportivo nashri tarqatgan xabarga ko‘ra kataloniyaliklar bu borada "Leganes" forvardi Martin Breytueytni sotib olishga qaror qilishgan.

Ma’lumot uchun, 28 yoshli Breytueyt joriy mavsum "Leganes" safida 27 ta o‘yinda maydonga tushdi va 8 ta gol hamda 1 ta golli uzatmaga mualliflik qildi. Uning transfer narxi 10 million evroni tashkil etmoqda.