"Bavariya" Laymer bilan yangi shartnoma bo‘yicha kelishuvga erishdi

"Bavariya" himoyachisi Konrad Laymer klub bilan shartnomasini uzaytiradi.
⠀
Sky Sport jurnalisti Florian Plettenbergning ma'lum qilishicha, 29 yoshli avstriyalik futbolchi Myunxen klubi bilan 2029 yilgacha mo'ljallangan yangi bitimni imzolaydi. Bu haqida yaqin kunlarda rasmiy e'lon qilinishi kutilmoqda.
⠀
Yangi shartnomaga ko'ra, Laymer soliqlar ushlanishidan oldin bonuslar bilan birga yiliga 10 million evrodan ortiq maosh oladi.
⠀
Konrad Laymer o'tgan mavsum Bundesligada 29 ta uchrashuvda maydonga tushib, 3 ta gol urdi va 9 ta golli uzatmani amalga oshirdi.