"Bavariya"ga qarshi bahs oldidan "Bayer"ning muhim futbolchisi safdan chiqdi

"Bayer"ning asosiy futbolchilaridan biri Florian Virts to‘pig‘idan jarohat olib, bir necha haftaga safdan chiqdi.

Jamoaning 21 yoshli yarim himoyachisi Bundesliganing 25-tur doirasida "Verder"ga qarshi o‘yinning 52-daqiqasida jarohatlandi. Raqib jamoa futbolchisi Mitchell Vayzer yakkama-yakka kurashda uning o‘ng oyog‘iga zarba berdi.

To‘qnashuvdan so‘ng Virts o‘rnidan tura olmadi va unga tibbiy yordam ko‘rsatildi.

Eslatib o‘tamiz, joriy mavsumda yarim himoyachi Germaniya chempionatidagi 25 ta o‘yinda 9 ta gol urib, 10 ta golli uzatmaga mualliflik qilgan.