Bizsiz davom etadigan turnir! Chorak finalga yo‘l olgan ikki terma jamoa va ularning ehtimoliy raqiblari

20 yoshgacha bo‘lgan futbolchilar o‘rtasidagi jahon chempionati nimchorak finalidan o‘rin olgan O‘zbekiston - Isroil bahsi bo‘lib o‘tdi. Unda vakillarimiz 0:1 hisobida raqibga imkoniyatni boy berib qo‘ydi. 

Isroil futbolchisi Anan Halalining 90+7-daqiqada urgan goli bellashuv taqdirini hal qildi. Shuningdek, AQSh terma jamoasi Yangi Zelandiyani 4:0 hisobida mag‘lub etib, chorak final yo‘llanmasiga ega chiqdi. 

Qayd etish lozim, Isroil Braziliya - Tunis juftligi g‘olibi bilan, AQSh esa Gambiya - Urugvay qarama-qarshiligida g‘alaba qozongan terma jamoa bilan chorak finalda kuch sinashadi.