"Bunyodkor" mashg‘ulotlarga qaytdi, jamoa etakchisi ham!

Kichik tanaffusdan so‘ng futbolchilar yana mashg‘ulotlarga qaytdi.

Aleksandr Krestinin murabbiyligidagi “qaldirg‘ochlar” “Bunyodkor” akademiyasi maydonlarida mashg‘ulotlar o‘tkazmoqda. Jamoa muxlislarini xursand qiladigan xabar shuki, kichik jarohatdan forig‘ bo‘lgan Farrux Ikromov umumiy guruhda shug‘ullanmoqda. 

“Bunyodkor” Superligadagi navbatdagi uchrashuvini 24 sentyabr kuni safarda “Nasaf”ga qarshi o‘tkazadi. Rejaga ko‘ra,  rasmiy bahsga qadar o‘rtoqlik o‘yinida maydonga tushadi. 

"Bunyodkor" matbuot xizmati.