Dzyudo. O‘zbekiston terma jamoasi jahon chempionati finaliga yo‘l oldi!

Xabaringiz bor, ayni vaqtda Bolgariya poytaxti Sofiya shahrida dzyudo bo‘yicha kadetlar o‘rtasidagi jahon chempionatining aralash jamoaviy bahslari davom etmoqda.

Quvonarlisi, O‘zbekiston terma jamoasi finalga yo‘l oldi. Dzyudochilarimiz 1/2 finalda Mo‘g‘iliston terma jamoasiga qarshi tatamiga chiqib, 4:2 hisobida g‘alaba qozondi.

Endi vakillarimiz hal qiluvchi bahsda dzyudo vatani hisoblangan - Yaponiya terma jamoasi bilan to‘qnash keladi.