Fayzullaev maxsus tekshiruvdan o‘kazildi. Natijalar “dahshatli” ekan...
Abbosbek Fayzullaev joriy yilning avgust oyida “Paxtakor”dan Moskvaning TsSKA klubiga ko‘chib o‘tgan paytda ko‘chilikning uning Rossiya Premer-ligasida muvaffaqiyatli o‘ynab ketishiga shubha bilan qaragan edi.
Bo‘y-basti baland bo‘lmagan ixchamgina futbolchining jismonan kuch-quvvatga asoslangan Rossiya Premer-ligasiga kirishib ketishi haqiqatan kutilmagan holat bo‘ldi. Abbosbek Fayzullaev yangi jamoasiga juda tez moslashdi, Premer-liganing asosiy kashfiyoti nomini oldi, ketma-ket to‘rt oy TsSKAning eng yaxshi futbolchisi, deb topildi.
.jpg?1703092451753)
Ochig‘ini aytganda, futbol tarixida hali hech qaysi legionerimiz xorij chempionatlaridagi ishtirokini bu qadar jadal boshlamagan.
TsSKA professional futbol klubi tibbiyot departamenti rahbari Eduard Bezuglov Sports.ru saytiga bergan intervyusida Abbosbek Fayzullaev jamoaga qo‘shilishdan oldin maxsus tekshiruvlardan o‘tkazilgani va ularning natijalari juda yuqori bo‘lganini alohida ta’kidladi.
Sports.uz portali ushbu intervyuning Abbosbek Fayzullaevga tegishli qismini o‘zbekistonlik futbol ishqibozlari e’tiboriga havola etadi.
– TsSKA jamoaga yangi qabul qilinayotgan futbolchilar bilan shartnoma tuzishidan oldan ularni tekshiruvdan o‘tkazadi. Bu qanaqa jarayon?
– Maydonda o‘tkaziladigan bu testlar kompleks tekshiruv hisoblanib, o‘z ichiga sprintdan tortiyu, reaktiv va reaktiv bo‘lmagan chaqqonlik imkoniyatlarini o‘rganishni o‘z ichiga oladi. Bular bilan birga mushaklarning kuchi va muvozanatni saqlash qobiliyati ham teshiriladi.
Tekshiruvlar jarayonida biror kamchilik aniqlansa, biz ma’lumotlarni apparat tadqiqot usullari (MRT, MSKT) hamda klinik simptomlar bilan taqqoslab, xulosa chiqaramiz.
– Fayzullaev darrov boshlang‘ich tarkib o‘yinchisiga aylandi va Rossiya Premer-ligasini “yorib tashlayapti”. Uning tekshiruvi natijalari qanday bo‘lgan?
– Abbos TsSKA tarixida “VEB Arena”da tekshiruvdan o‘tkazilgan birinchi futbolchi hisoblanadi. Bungacha barcha testlar “Oktyabr” stadionida tashkil etilar edi.
Fayzullaevda reaktiv va reaktiv bo‘lmagan chaqqonlik imkoniyatlarini tekshirganimizda natijalar juda yuqori bo‘lgan va bu ko‘rsatkichlar bo‘yicha Abbosbek Rossiya Premer-ligasida kuchli o‘nlikka kiradi.
Tezkorlik ko‘rsatkichlarida ham hamma natijalar joyida. Bu natijalar Fayzullaev tezkorlik bobida rossiyaning eng zo‘r yosh futbolchilari bilan raqobatlashishga qodirligini aniq ko‘rsatdi. Bundan tashqari, o‘zbek futbolchisi bu ko‘rsatkichlarini yanada yaxshilash salohiyatiga ega ekanini ham ta’kidlash lozim.
Fayzullaevning yana bir ustun jihati u juda chidamli. TsSKAla keyingi ikki-uch yil ichida tezlik va chidamlilikni uyg‘unlashtirgan o‘yinchilar juda kam bo‘lgan. Bundaylarga faqat Kirill Glebov va Egor Ushakovni misol qilish mumkin xolos.
Abbosbek Fayzullaev TsSKAga ko‘chib o‘tganidan buyon Rossiya Premer-ligasi va mamlakat kubogi doirasida 18 ta uchrashuvda maydonga tushib, ikkita gol va to‘qqizta assist muallifi bo‘ldi. Hamyurtimizning transfer summasi bir necha baravar oshib, bugungi kunda 4 million evroni tashkil qilmoqda.
Fikrlar