"Galatasaroy" bosh murabbiyi: "Real"ga qarshi o‘yin biz uchun xuddi finaldek

“Galatasaroy” klubi bosh murabbiyi Fotix Terim bugun “Real”ga qarshi bo‘lib o‘tadigan o‘yindan oldin o‘z fikrlarini bildirib o‘tdi.

“Bu biz uchun xuddi kubok finalidek, yo‘qotadigan hech narsamiz yo‘q va shu sababli oxirigacha kurashishimiz kerak.

Agar jadvalga nazar soladigan bo‘lsak, bugun mag‘lub bo‘lgan taqdirimizda boshqa musobaqa uchun kurash olib borishimizga to‘g‘ri kelib qolishini ko‘rishimiz mumkin”, - deydi Terim.

Eslatib o‘tamiz, “Real” – “Galatasaroy” bahsi bugun Toshkent vaqti bilan soat 01:00 da boshlanadi.