Gvardiola zo‘r hujumchini kutmoqda

“Manchester Siti” bosh murabbiyi Xosep Gvardiola jamoaga yangi hujumchi qidirmoqda. Hozircha, ispaniyalik mutaxassisga “Benfika”da o‘ynayotgan Darvin Nunesning harakatlari ma’qul kelmoqda.

O‘tgan yozda “Almeriya”dan “Benfika”ga ko‘chib o‘tgan 21 yoshli urugvaylik futbolchining o‘yini tobora ochilib bormoqda. U Portugaliya chempionatida 17 ta o‘yinda qatnashib, to‘rtta gol urdi va olti marta golli pas uzatdi.

Nunesning lissabonliklar bilan amaldagi shartnomasi 2025 yilning yozigacha davom etadi. Uning transferi 25 million evroga baholanmoqda.