"Inter" "Atalanta" maydonida kumush medallar masalasini hal qildi

Italiya chempionati 38-turi doirasidagi "Atalanta" - "Inter" bahsi o‘z yakuniga etdi. Unda mehmonlar 2:0 hisobidagi ishonchli g‘alabaga erishdi. E’tiborlisi, "nerradzurilar" tomonidan kiritilgan ikkala golga ham himoyachilar mualliflik qildi. Dastlab, uchrashuvning dastlabki daqiqasida Dambrozio hisobni ochgan bo‘lsa, 20-daqiqaga kelib Eshli Yang oradagi farqni ikkitaga etkazib qo‘ydi.

Shu tariqa, "Inter" hisobidagi ochkolar 82 taga etdi va jamoa A Seriya joriy mavsumini vitse-chempion maqomida yakunlaydigan bo‘ldi. Bergamoliklar ham "Latsio"ning parallel o‘yinda "Napoli"ga mag‘lub bo‘lgani evaziga bronza medallarga ega chiqishdi.