"JCh-2026" 3-saralash bosqichining dastlabki turlar vaqti va stadionlar ma’lum

Habaringiz bor, sentyabr oyidan OFK qit’asida Jahon chempionati-2026 3-saralash bosqichi o‘yinlari start oladi. Mazkur bosqich oldidan dastlabki tur uchun bellashuvlar o‘tadigan stadionlar va uchrashuvlarning boshlanish vaqtlari e’lon qilindi. 

O‘zbekiston milliy terma jamoasi ham mazkur bosqichda ishtirok etadi va o‘z yurishini 5 sentyabr kunidan boshlaydi. Shu kuni Toshkentdagi “Bunyodkor” stadionida KXDR termasi mehmon bo‘ladi. Qarama-qarshilik poytaxt vaqti bilan soat 19:00 da start oladi. 

Oradan besh kun o‘tib, 10 sentyabr sanasida Bishkekka safar uyushtiramiz. O‘sha sanada “Dolen Omurzakov” nomli stadionda mezbon- Qirg‘iz Respublikasi terma jamoasi bilan o‘zaro hisob-kitob qilamiz. Bu o‘yin Toshkent vaqti bilan soat 20:00 da boshlanishi reja qilingan. 

Biz Srechko Katanets boshchiligidagi O‘zbekiston milliy terma jamoasiga har ikkala o‘yinda omad va zafarlar tilab qolamiz.