“Kalyari” Shomurodov va etti o‘yinchi bilan xayrlashdi
A Seriyada qolish uchun kurashayotgan “Kalyari” FIFA kunlari munosabati bilan bir guruh futbolchisi bilan vaqtincha xayrlashganini ma’lum qildi.
- “Kalyari”ning sakkiz nafar futbolchilari jahon chempionati saralash, Evropa chempionati pley-offi va bir necha o‘rtoqlik uchrashuvlarida ishtirok etish uchun o‘z mamlakatlari terma jamoalaridan taklif olgan.
Eldor Shomurodov 2026 yili bo‘ladigan jahon chempionatining saralash bosqichida ikkita o‘yin o‘tkazish uchun O‘zbekiston milliy terma jamoasidan chorlov oldi.
Pantelis Xatsidiakos Evropa chempionatiga chiqish yo‘llanmasini beruvchi pley-off uchrashuvlarida Gretsiya terma jamoasi sharafini himoya qiladi.
Janluka Lapadula, Naytan Nandez, Antuan Mukumbu va Adam Obert mos ravishda Peru, Urugvay, Kongo Respublikasi va Slovakiya terma jamoalari bilan o‘rtoqlik uchrashuvlarida ishtirok etishi kutilmoqda.
Matteo Prati va Gaetano Oristanio kabi yosh o‘yinchilar Italiya U21 terma jamoasiga chaqirtirilgan va ular 21 yoshgacha futbolchilar ishtirokidagi Evropa chempionati saralashi doirasida ikkita muhim uchrashuvda qatnashadi, - deb bayonot berdi “Kalyari” klubi matbuot xizmati o‘z rasmiy sayti orqali.
“Kalyari” futbolchilari ishtirok etadigan o‘yinlar taqvimi va raqiblar quyidagicha keltirilgan:
Adam Obert (Slovakiya)
O‘rtoqlik uchrashuvi
23 mart Slovakiya - Avstriya
26 mart Norvegiya - Slovakiya.
Gaetano Oristanio (Italiya U21)
Matteo Prati (Italiya U21)
Evropa chempionati saralashi U21
22 mart Italiya U21 – Latviya U21
26 mart Italiya U21 – Turkiya U21.
Eldor Shomurodov (O‘zbekiston)
Jahon chempionati saralash uchrashuvlari
21 mart Gonkong - O‘zbekiston
26 mart O‘zbekiston – Gonkong.
Janluka Lapadula (Peru)
O‘rtoqlik uchrashuvi
23 mart Peru - Nikaragua
27 mart Peru - Dominikan Respublikasi.
Pantelis Xatsidiakos (Gretsiya)
Evropa chempionati saralash uchrashuvi
21 mart Gretsiya - Kozog‘iston
Antuan Makumbu (Kongo)
O‘rtoqlik uchrashuvi
25 mart Gabon – Kongo
Naytan Nandes (Urugvay)
O‘rtoqlik uchrashuvi
23 mart Basklar mamlakati – Urugvay
26 mart Kot-d'Ivuar – Urugvay.
Eslatib o‘tamiz, Eldor Shomurodov O‘zbekiston milliy terma jamoasi safida so‘nggi bor o‘tgan yilning noyabr oyida 2026 yilgi jahon chempionatining saralash turniri doirasida Turkmaniston va Eron terma jamoalariga qarshi maydonga tushgan edi.
Dekabrda og‘ir jarohat olgan 28 yoshli hujumchimiz Qatar mezbonlik qilgan Osiyo kubogida Srechko Katanets jamoasiga yordam bera olmadi.
Eldor Shomurodov O‘zbekiston milliy terma jamoasi tarixidagi eng zo‘r to‘purar hisoblanadi. U xalqaro miqyosda dami 68 ta uchrashuvda maydonga tushib, raqiblar darvozasini 38 marotaba ishg‘ol qilgan va o‘n marta golli pas uzatgan.
Husanov ishonchni oqlagani uchun “Lans” bu mamlakatdan yana bir legioner oladigan bo‘ldi
Evropadagi legionerlar reytingiga Shomurodov ham kiritildi
Fayzullaev TsSKAda asosiy tarkibdagi joyidan ayrildimi?
Raneri bir gap bilan Shomurodovni o‘zgartirib yubordi. Murabbiy nima degandi?
Fikrlar