Kellini "Latsio"ni "Monako"ga o‘xshatdi

“Yuventus” klubi himoyachisi Jorjo Kellini “Latsio”ga qarshi Italiya kubogi finali oldidan o‘z fikrlarini bildirib o‘tdi. Futbolchining so‘zlariga ko‘ra, bugungi raqibning o‘yin uslubi “Monako”nikiga o‘xshab ketar ekan.

– So‘nggi bir necha haftada biz o‘xshash jamoalar bilan uchrashdik. “Latsio” va “Monako” tarkiblarida turli xarakterdagi futbolchilar bor, ammo Mbappe xuddi Balde Keyt va Felipe Anderson usluida o‘ynaydi. Men shuningdek, Immobileni ham yaxshi bilaman. U ajoyib hujumchi. Shuning uchun mustaqil harakat qilishlariga yo‘l qo‘ymasligimiz zarur, – deydi himoyachi Football Italia nashriga.

Italiya kubogi finali bugun tunda Toshkent vaqti bilan soat 00:00da start oladi.