Legionerimizning klubida murabbiy o‘zgardi

Artyom Gorlov "Nijniy Novgorod" klubi bosh murabbiyi etib tayinlandi.

35 yoshli mutaxassis faoliyatini tahlilchi murabbiy sifatida boshlagan. 27 yoshida ikkinchi divizion vakili "Domodedovo"ni boshqargan va o‘sha paytda mamlakatning eng yaxshi yosh murabbiyi deb topilgan.

Bunga qadar novgorodliklarni Anton Xazov vaqtincha boshqarib kelayotgandi. Jamoa yangi murabbiy qo‘l ostida 7 yanvar kuni Turkiya yig‘inini boshlaydi.