"Lester" Underni ijaraga olmoqchi

“Roma” yarim himoyachisi Jengiz Under yangi mavsumni “Lester”da boshlashi mumkin.

Italiyalik jurnalist Fabritsio Romanoning xabar berishicha, “tulkilar” 23 yoshli turkiyalik futbolchini keyinchalik sotib olish sharti bilan ijaraga olmoqchi.

Under o‘tgan mavsum “Roma” safida A Seriyada 18 ta o‘yinda maydonga tushdi va 3 ta gol urishga erishdi. Bundan avvalroq, unga “Napoli” ham qiziqayotgani haqida xabarlar tarqalgan edi.