"Lokomotiv" va "Milan" muzokarani davom ettirmoqda

"Milan" hamon "Lokomotiv" yarim himoyachisi Aleksey Miranchukning transferi bo‘yicha muzokarani davom ettirmoqda.

Calciomercato nashri tarqatgan xabarga ko‘ra, moskvalik "temiryo‘lchilar" o‘z etakchisini 20 million evroga baholamoqda. Aytish lozimki, “rossonerilar” klub bilan bir vaqtda futbolchining agenti bilan ham transferni muhokama qilyapti.

Miranchuk uchun “Milan”dan tashqari A Seriyaning yana ikki klubi – “Atalanta” va “Roma” ham kurashmoqda.