"Manchester Siti" etakchisi "Real"ga o‘tishga qaror qildi

"Manchester Siti" yarim himoyachisi Bernardu Silva jamoasini o‘zgartirishi mumkin. Futbolchi faoliyatini "Real"da davom ettirmoqchi, deya yozmoqda "Calciomercato" nashri.

Madridliklar o‘tgan yiligi yozda portugaliyalik futbolchini xarid qilishga harakat qilgandi, biroq muzokaralar ijobiy yakunlanmagan. Silvaning "shaharliklar" bilan amaldagi bitimi 2025 yilgacha mo‘ljallangan. 

"Transfermarkt" portali 27 yoshli havbekni 75 million evroga baholamoqda. Joriy mavsum Bernardu barcha musobaqalarda 34ta o‘yinda maydonga tushib, 10ta gol urgan va 3ta golga assistentlik qilgan.