Maradona nega doim ikkita soat taqqan? Bu sirni Ronaldo ochdi

Diego Maradona doim ikkala qo‘lida soat taqib yurgan. Buning sababini ko‘pchilik bilmaydi. Argentinalik marhum futbolchi bilan do‘stona munosabatda bo‘lgan Ronaldo bu sirni ochdi.

- Diego futbolga katta meros qoldirdi. Olamdan o‘tganini hazm qilish qiyin bo‘lyapti. U ko‘p odamlarning hayot tarzini o‘zgartirgan. U meni ilhomlantirgani uchun bir umr minnatdorman.

Bir marta Maradona Madridga kelganidan birga ovqatlangan edik. U har doim ikkita soat taqardi. Diego bu soatlarni hech echmasligini ko‘p gapirishardi. Men undan nega ikkita qo‘liga soat taqib olganini so‘radim. U bu soatlar qizlaridan sovg‘a ekanini va shuning uchun ham doim qo‘lida ekanini aytdi, - dedi Ronaldo.