Maradonaning o‘g‘li “Barselona”ni 10-raqamdan foydalanmaslikka chaqirdi. Bu raqam Messiga tegishli

Kichik Diego Maradona otasi o‘ynagan 10-raqamni iste’moldan chiqarishni so‘rayapti.

- Hissiyotlarga boy kunlarni boshdan o‘tkazyapmiz. Messining harakati yoqimli bo‘ldi. Ko‘nglimiz to‘lib, yig‘ladik. Otam o‘ynagan jamoalarda, shuningdek, “Barselona”da ham  uning hurmati uchun 10-raqamni muomaladan chiqarish kerak, - dedi Diago.

Yaqinda La Liganing 11-turida “Osasuna” darvozasini ishg‘ol qilgan Messi Maradonaning xotirasiga Argentinaning “Nyuells Old Boyz” jamoasining 10-raqamli futbolkasini namoyish qilgan edi.