Messi Jahon chempionatidan so‘ng faoliyatini yakunlaydimi?

Argentina terma jamoasi va PSJ klubi yulduzi Lionel Messi 2022 yilda Qatar yashil maydonlarida bo‘lib o‘tadigan Jahon chempionatidan so‘ng faoliyatini yakunlash to‘g‘risidagi savolga javob berdi.

— Yo‘q, rostini aytsam, yo‘q. Men bilan sodir bo‘lgan hamma narsadan keyin kundan kunga, yildan yilga shunchaki yashashni o‘rganyapman. Oldindan hech nimani rejalashtirmayapman. Jahon chempionatidan keyin nima bo‘lishini bilmayman, bu haqda o‘ylamayman",-dedi Messi.

Ma’lumot o‘rnida, Leo avgust oyida 17 yillik faoliyatidan so‘ng "Barselona"dan PSJ klubiga kelib qo‘shilgandi. Parijliklar safida o‘tkazgan 8 o‘yinida u 3 ta gol urishga muvaffaq bo‘ldi.

34 yoshli hujumchi yozda Argentina terma jamoasi bilan uzoq kutilgan "Kopa Amerika" bosh sovrinini qo‘lga kiritdi.