Messidan zo‘r to‘rt fubolchi bor!

Britaniyalik taniqli jurnalist Pirs Morgan jahon futbolida “Oltin to‘p”ning sakkiz karra sohibi Lionel Messidan kuchli to‘rt futbolchi borligini aytdi.

Morganning fikricha, futbol tarixidagi eng zo‘r futbolchi Krishtianu Ronaldu hisoblanadi.

- Men eng zo‘r futbolchi sifatida Krishtianu Ronaldu, braziliyalik Ronaldo, Terri Anri va Ronaldinoni tanlayman, - dedi Pirs Morgan.

Krishtianu Ronaldu faoliyati davomida besh bor “Oltin to‘p”ga ega chiqqan. U rasmiy uchrashuvlarda va terma jamoa tarkibida xalqaro miqyosda eng ko‘p to‘p kiritgan futbolchi hisoblanadi.

Bundan tashqari 40 yoshli yulduz yaqinda terma jamoa safida eng ko‘p – 132 marta g‘alaba qozongan o‘yinchi sifatida Ginnesning rekordlar kitobiga kiritildi.