Morataning keyingi manzili aniq

Ispaniyalik hujumchi Alvaro Morata "Yuventus"ni tark etadi. Bu haqda "Goal.com" nashri xabar bermoqda. 

Morata ayni damda Turin klubida ijara asosida to‘p tepmoqda. Uning huquqlari "Atletiko" klubiga tegishli hisoblanadi. Turinliklar 29 yoshli forvardni sotib olish uchun 35 million evro to‘lamoqchi emas. Katta ehtimol bilan Alvaro "matraschilar" safiga qaytadi. 

Joriy mavsumda Morata "Yuventus" safida jami 23 ta o‘yin o‘tkazib, 7 ta gol urdi va 3 ta samarali uzatma muallifiga aylandi.