"Navbahor" xalqaro o‘rtoqlik uchrashuvida yirik hisobda zafar quchdi

Yangi mavsumga qizg‘in tayyorgarlik ko‘rayotgan "Navbahor" xalqaro o‘rtoqlik uchrashuvida ishtirok etdi.

Qirg‘izistonning "Alay" klubiga qarshi kechgan bahsda "lochinlar" 4:1 hisobida zafar quchdi. Elguja Grigalashvili dubl qayd etgan bo‘lsa, Panshanbe hamda G‘anixonov bir marotabadan darvozani ishg‘ol etdi. Bu gollarga mehmonlar safida Nurboolot 48-daqiqada javob qaytardi.

Avvalroq, Babayan shogirdlari "Turon"ga qarshi nazorat o‘yini o‘tkazib, 2:1 hisobida g‘alaba qozongan edi.