Nihoyat, Ibragimovich "Milan"da qolishga rozi bo‘ldi

Italiyalik jurnalist Nikolo Skiraning ma’lum qilishicha, Zlatan Ibragimovich “Milan” bilan shartnomani uzaytirishga rozi bo‘lgan.

Yuqoridagi manbaga ko‘ra, 38 yoshli shvetsiyalik futbolchi yangi kelishuvga binoan “rossonerilar”dan yiliga 6 mln evro maosh va qo‘shimcha bonuslar oladi.

Eslatib o‘tamiz, Ibragimovich “Milan” safida joriy yilning yanvarida “Los-Andjeles Gelaksi”dan erkin agent sifatida kelib qo‘shilgan edi. U o‘tgan yarim mavsum davomida A Seriyada jami 18 ta o‘yinda maydonga tushdi va o‘z hisobiga 10 ta gol hamda 5 ta golli uzatma yozdirib qo‘ydi.

Zlatan faoliyati davomida «Barselona», «Inter», «Manchester Yunayted», «Yuventus», PSJ va «Ayaks» kabi klublarda to‘p surgan.