"Paxtakor" ta’tilga chiqdi

2021 yilgi mavsumni yakunlagan "Paxtakor" jamoasi a’zolari 5 yanvargacha ta’tilga chiqdi. Bu haqda klub matbuot xizmati xabar tarqatdi.

Xabarda aytilishicha, jamoa kelgusi mavsumga tayyorgarlikni 5 yanvardan Toshkentda boshlaydi. Milliy terma jamoaning yanvardagi yig‘ini sababli xorijda yig‘in faqat fevral oyida o‘tkazilishi mumkin.

Eslatib o‘tamiz, yakuniga etgan mavsumda "Sherlar" O‘zbekiston chempioniga aylanib, Superkubokni qo‘lga kiritishdi.