"Qizilqum" "Nasaf"ning sobiq legioneri bilan shartnoma tuzdi

Navoiyning "Qiziqum" klubi tarkibini kuchaytirishda davom etyapti. Bu safar yana bir legioner bilan shartnoma imzolandi.

Serbiyalik hujumchi Alen Mashovich endilikda "Qizilqum" sharafini himoya qiladi. Klub matbuot xizmatining yozishicha, u bilan bir yillik bitim imzolangan.

 Alen Mashovich haqida:

Tug‘ilgan sanasi: 07.08.1994 yil
Tug‘ilgan joyi: Novi Pazar — Serbiya
Ampluasi: hujumchi
To‘p tepgan jamoalari: "Partizan" (Serbiya), "Vojdovas" (Serbiya), "Matida Zelviya" (Yaponiya), "Nasaf" (Qarshi), "Dechich" (Chernogoriya).

Muxlislar uni aynan "Nasaf"da 2022 yilgi mavsumdagi o‘yinlari orqali eslab qolishgan. Lekin o‘shanda qarshiliklar safida ko‘p o‘ynamagan. Faqatgina 6 ta uchrashuvda maydonga tushib, 1 ta gol urgan. 

Mashovichning oxirgi klubi Chernogoriyaning "Dechich" jamoasi bo‘lib, 17 ta o‘yinda 3 gol urgan.