Rasman! Lukaku yana Milanda! (Foto)

"Chelsi"ning sobiq futbolchisi Romelu Lukaku yangi mavsumni "Inter" safida boshlaydi. Milanliklar belgiyalikni bir mavsumga ijaraga oldi.

Ijara narxi 8 million evroni tashkil etadi. Shuningdek, Romelu Italiyadagi 1 yillik faoliyati uchun 8 million evro maosh ishlab oladi.

Ma’lum bo‘lishicha, forvard 90-raqam ostida to‘p tepadi. Ayni payt Lukakuning jonajon 9-raqami Edin Jekoga tegishli sanaladi. 

Eslatib o‘tamiz, belgiyalik iqtidor sohibi 2019-2021 yillar oralig‘ida "Inter" sharafini himoya qilgan va "Yuventus"ning gegemonligiga chek qo‘yib, A Seriya chempionligini qo‘lga kiritgan.