Rasman! "Sevilya" yangi hujumchi sotib oldi

"Sevilya" klubi o‘zining rasmiy saytida "Leganes" forvardi  Yussef En-Nesirini sotib olganini e’lon qildi.

Yuqoridagi manbaaga ko‘ra 22 yoshli marokashlik futbolchining transferi andalusiyaliklarga 20 mln evroga tushgan. Ular o‘rtasidagi shartnoma esa 2025 yilga qadar tuzilgan.

Ma’lumot uchun, En-Nesirini “Leganes” safida 2018 yildan buyon to‘p surib kelmoqda. U o‘tgan davr mobaynida jami 53 ta o‘yinda maydonga tushdi va 15 ta gol hamda 4 ta golli uzatmaga mualliflik qildi.