"Real" tarkibni zo‘r himoyachi bilan kuchaytiradi

"Chelsi" himoyachisi Ris Jeyms xizmatiga "Real" jiddiy qiziqish bildirmoqda. Bu haqda "Mirror" nashri xabar tarqatdi.

Manbaning ma’lum qilishicha, "qirollik klubi" skautlari angliyalik fullbekni naqd 9ta o‘yinda kuzatishgan. Transfer yozda amalga oshishi kutilmoqda. 

Jeyms joriy mavsum "aristokratlar" safida 20 ta o‘yinda maydonga tushib, 5 ta gol urgan va 6 golga hammualliflik qilgan. Uning "ko‘klar" bilan amaldagi bitimi 2025 yilning yoziga qadar mo‘ljallangan.