“Real”zudlik bilan Osimxenni oladi

“Napoli” rahbariyati bilan kelisha olmay qolgan Viktor Osimxen tez orada A Seriyani tark etishi kutilmoqda.

Nigeriyalik yulduz agentidan o‘ziga tezroq boshqa jamoa topishni so‘ragan. Futbolchi atrofidagi vaziyatdan grand klublar foydalanib qolmoqchi.

Xususan, “Real” ham superto‘purarni o‘ziga og‘dirishga kirishdi. Aslida “Qirollik klubi” mutasaddilari agar jamoaga Kilian Mbappeni olib kelishning imkoni bo‘lmasa, Viktor Osimxen variantini ham o‘ylab qo‘ygan edi.

“Real” qimmatbaho transferni birdan amalga oshirish qiyinligini inobatga olib, yanvar oyida Viktorni keyinchalik sotib olish huquqi bilan ijaraga olish variantini taklif qilmoqchi.