Ronaldu kelajagi borasida qaror qabul qildi

Krishtianu Ronaldu yana bir mavsum Saudiya Arabistonida qoladi. 

"An-Nasr" 39 yoshli hujumchi bilan shartnomasini 2026 yilning iyunigacha uzaytirish borasida dastlabki kelishuvga erishdi. Bu haqda jurnalist Mutab Al-Avad xabar berdi. 

Portugaliyalik futbolchining Ar-Riyod klubi bilan amaldagi shartnomasi joriy mavsum oxirida yakuniga etadi. 

Joriy mavsum Ronaldu Saudiya Arabistoni chempionatida 13 ta o‘yin o‘tkazib, 11 ta gol urgan.