Ronaldu uchun 8 million evro maoshni ham ko‘p deb hisoblashdi

"Manchester Yunayted" hujumchisi Krishtianu Ronaldu faoliyatini boshqa klub safida davom ettirishni istamoqda.

Futbolchining agenti Jorje Mendesh "Napoli"ga 37 yoshli forvardni bir mavsumga ijaraga olishni taklif qilgan. Bu haqda AS nashri xabar berdi. 

Neapolliklar Ronaldu transferiga qiziqmoqda, ammo moliyaviy holat bunga to‘siq bo‘lishi mumkin. Futbolchining agenti 8 million evro maosh so‘ramoqda. O‘z navbatida "Napoli" bu pulni to‘lay olmasligini ma’lum qilgan. 

Shunday qilib, Krishtianuning Italiya klubi safiga o‘tishi imkonsiz bo‘lib qolmoqda.