"Rostov" klubining futbolchilar oldidagi qarzdorligi yuzasidan bayonot berildi

Rostov viloyati «Rostov» klubiga 2019 yilda 380 million rubl pul mablag‘i ajratgani xabar qilindi. Bu haqda news.ru sayti TASS vakiliga tayanib xabar berdi.

Manbaning ma’lum qilishicha, 2019 yili «Rostov» klubiga viloyat hisobida 380 million rubl ajratilgan. Bayonotda yozilishicha, klubning qarzga kirishida viloyat hokimi (gubernatori) o‘rinbosari Igor Guskoving aloqasi yo‘q.

Viloyat rahbarlari shuningdek, 2019—2020 yillarda «Olimp-2» stadionini kapital ta’mirlash uchun 250 million rubl, mashg‘ulotlar maydonini ta’mirlashga 48 million rubl, klub ta’minoti va bolalar futboli uchun 78,6 million rubl ajratilishi belgilangani qo‘shimcha qilindi.

Eslatib o‘tamiz, avvalroq «Rostov» klubi bosh murabbiyi Valeriy Karpin uch oydan buyon futbolchilar maoshi ololmayotganini aytgandi. Shu sabab «Rostov» bu muammoni bartaraf etish uchun qishda 6 futbolchisini sotishi mumkinligi va ular orasida hamyurtimiz Eldor Shomurodovning borligi xabar berilgandi.