Shavkat Mirziyoev Qashqadaryo klublari, Otabek Shukurov hamda Aziz G‘aniev haqida gapirdi

O‘zbekiston Respublikasi Prezidenti Shavkat Mirziyoev qashqadaryolik saylovchilar bilan suhbat chog‘ida viloyat futboli haqida fikr bildirdi:

"Viloyatda Oliy ligada ishtirok etadigan «Nasaf», «Sho‘rtan», «Mash’al» hamda Osiyo va Evropada tanish bo‘lgan ayollarning «Sevinch» professional futbol klublari faoliyat yuritmoqda. Ushbu klublar tarbiyalanuvchilari Otabek Shukurov va Azizjon G‘anievlar bugungi kunda O‘zbekistonimiz nufuzini butun dunyoga tarqatmoqda".

Shuningdek, Prezidentlikka nomzod Shahrisabz shahrida bolalar va o‘smirlar futbol mahorati maktabi, Qarshi shahridagi bolalar va o‘smirlar futbol mahorati maktabi uchun zamonaviy sport bazasi barpo etilishini ma’lum qildi.