Singapur murabbiyi: O‘zbekistonni hurmat qilgan holda aytishim mumkinki, ertaga g‘alaba uchun maydonga tushamiz
O‘zbekistonga qarshi o‘yin oldidan tashkil etilgan matbuot anjumanining ikkinchi qismida Singapur terma jamoasi bosh murabbiyi Tatsuma Yoshida ishtirok etdi.
- Barcha biladi, O‘zbekiston Osiyoning eng kuchli jamoalaridan biri. Bizni kuchli qarama-qarshilik kutyapti. Raqobatli o‘yin bo‘ladi. Ochko olishga harakat qilamiz. O‘zbekistonni hurmat qilgan holda aytishim mumkinki, ertaga g‘alaba uchun maydonga tushamiz. Hali bor potentsialimizni ro‘yobga chiqarishga ulgurmadik. Umid qilamanki, mening jamoam bu safar 100% imkoniyatini ishga soladi, - dedi Singapur terma jamoasi ustozi.
O‘zbekiston va Singapur terma jamoalari o‘rtasidagi bellashuv Toshkent vaqti bilan ertaga 23:00da start oladi.
Fikrlar