Superliga joriy mavsumida ilk debyut!
Superliga joriy mavsumida ilk debyut kuzatildi. Bu haqda O‘zFHM matbuot xizmati berdi.
"Superliga-2024" 2-turidan o‘rin olgan “Olimpik” – “Lokomotiv” (0:1) uchrashuvini Sardor Ismatullaev boshchiligidagi hakamlar jamoasi boshqardi. Shu tariqa, 23 yoshli referi O‘zbekiston Superligasida o‘z debyutini amalga oshirdi. Superligadagi ilk uchrashuvida u 7 ta sariq, 1 ta ikkinchi sariq kartochka ko‘rsatdi hamda bir bor penalti belgiladi.
Ma’lumot uchun, Ismatullaev o‘tgan mavsum O‘zbekiston kubogida ham o‘z debyutini amalga oshirib, kubok bahslarida ishlagan eng yosh 2-hakam sifatida tarixga kirgan edi.
Fikrlar