Taekvondo WT. O‘zbekiston terma jamoasi jahon chempionatidagi ishtirokini 4 ta medal bilan yakunladi

Taekvondo bo‘yicha O‘zbekiston terma jamoasi uchun Meksikadagi jahon chempionati yakunlandi. Amir To‘raev (-58 kg) hamda Zuhra Tojimatova (-46 kg) 1/32 finalda mag‘lubiyatga uchrashdi. Bu haqda MOQ matbuot xizmati xabar tarqatmoqda.

Shunday bo‘lsa ham, mazkur musobaqa terma jamoamiz uchun tarixda qolmoqda. Unda ilk bor bir jahon chempionatida sportchilarimiz 1 ta oltin, 1 ta kumush va 2 ta bronza, jami 4 ta medalga sazovor bo‘lishdi.

Oltin medal:
+73 kg: Svetlana Osipova

Kumush medal:
-63 kg: Niyaz Pulatov

Bronza medal:
-87 kg: Nikita Rafalovich
-62 kg: Feruza Sodiqova