“Tottenxem” to‘purar yulduzni chaqirdi

“Tottenxem” yozgi transferlar mavsumida “Benfika”dan Luish Pitstsini oladigan bo‘ldi. Joze Mourino o‘z hamyurtini jamoani tark etishi kutilayotgan Tangi Ndombele o‘rnida o‘ynatmoqchi.

Londonliklar 30 yoshli hujumkor futbolchi uchun 18 million funt to‘lashga rozilik bergan. Pitstsi o‘tgan mavsumda barcha turnirlarda 30 ta gol urdi va 17 ta samarali pas uzatib, “Benfika”ning mavsumdagi eng foydali o‘yinchisi bo‘ldi.

Bu Joze Mourino uchun yangi mavsum oldidan uchinchi transfer bo‘ladi. Bungacha “Tottenxem” yarim himoyachi Per-Emil Xeyberg va darvozabon  Jo Xart bilan shartnoma imzolagan edi.