U qishda "Barsa"ga qaytishi mumkin

"Atletiko" safida ijarada to‘p tepayotgan Antuan Grizmann qishda Madrid klubini tark etishi mumkin. Bu haqda "Calcio Mercato" nashri xabar bermoqda.  

Frantsiyalik futbolchining transfer huquqi ayni damda "Barselona"ga tegishli. Agar, u yaqin vaqtlar ichida "Atletiko" murabbiylar shtabiga o‘z o‘yini bilan jamoaga yordam bera olishini isbotlay olmasa, qishda katta ehtimol bilan "Barsa"ga qaytadi. 

Eslatib o‘tamiz, 30 yoshli forvard bu mavsum La Ligada 8 o‘yinda maydonga tushib, hali birorta ham samarali harakat amalga oshira olmadi.