Virts "Manchester Siti"ga emas, Ispaniyaga yo‘l olish ehtimoli yuqori

"Bayer" yarimhimoyachisi Florian Virts kelajakdagi transferi borasida o‘z reytingini shakllantirgan. "Bild" nashrining xabar berishicha, futbolchi yangi jamoa tanlashda Chempionlar ligasini yutish imkoniyati va "Oltin to‘p"ni qo‘lga kiritish ehtimoliga asoslanadi.

Acosiy favorit – "Real Madrid". Virtsni klub tarixi, sovrinlar soni va dunyodagi eng yaxshi futbolchiga aylanish imkoniyati jalb qilmoqda. Shuningdek, u Xabi Alonso bilan "Real"da yana birga ishlash ehtimolini ham e’tiborga olgan — agar Karlo Anchelotti yozda jamoani tark etsa.

Ikkinchi o‘rinda – "Manchester Siti". Pep Gvardiola Virtsni anchadan buyon kuzatib kelmoqda va aytilishicha, shaxsan uni Kevin de Bryuynening vorisi sifatida ko‘rayotganini bildirgan. "Siti" 150 million evroga baholanayotgan transfer va yuqori maoshni ta’minlash imkoniyatiga ega.

"Bavariya" esa Virts uchun unchalik qiziqarli emas. Hatto klubning faxriy prezidenti Uli Xeness shaxsan futbolchining otasi bilan uchrashganiga qaramay, Virts Myunxen jamoasiga o‘tishni hozircha ma’qul ko‘rmayapti.

Futbolchining "Bayer" bilan amaldagi shartnomasi 2027 yilgacha tuzilgan. Germaniya chempioni uni saqlab qolishni xohlamoqda. Shu bilan birga, Virtsning Leverkuzenda qolish ehtimoli ham yo‘q emas.