Yomg‘ir ostidagi derbida Mamatkazin yana katta sahnada yoxud qo‘shaloq bayramdan fotogalereya!

Pro liganing 23-turidagi markaziy uchrashuv - "Andijon" hamda "Turon" klublari o‘rtasidagi uchrashuvda kuchlar teng keldi - 1:1.

Yomg‘irli ob-havo ostida o‘tgan o‘yinda ikkala jamoa ham g‘alaba uchun oxirigacha kurashdi. Lekin ushbu durangdan keyin endi "Andijon" klubi kamida 2-o‘rinni naqd qilgan holda Superliga yo‘llanmasiga ega chiqdi.

Mezbonlar safida ketma-ket ikkinchi uchrashuvdirki, jamoa sardori Ildar Mamatkazin o‘z hisobiga gol yozib qo‘ymoqda. Bugun tug‘ilgan kunini nishonlayotgan Mamatkazin uchun urgan goli va jamoasining Superligaga chiqqani qo‘shaloq bayram hamda ko‘tarinki kayfiyatini yanada mustahkamlamoqda.

Futbolchilarning yomg‘ir ostidagi o‘yinidan fotosuratlar siz uchun!!!